Harrisin iqamətgahı təxliyə olundu

Tarix: 8 Yanvar 2025 12:14

ABŞ vitse-prezidenti Kamala Harrisin iqamətgahı Los Anceles şəhərində meşə yanğını ilə əlaqədar elan edilmiş təxliyə zonasında olub.

Sonxeber.net xəbər verir ki, bu barədə Amerikanın "NBC News" telekanalı məlumat yayıb.

Jurnalistlər bildiriblər ki, indiyədək 30 minə yaxın insan evlərini tərk edib.

"Los Ancelesdəki Harris iqamətgahı indi Sakit Okean Palisades bölgəsindəki yanğına görə təxliyə zonasının şərq hissəsindədir. Vitse-prezident hazırda Vaşinqtondadır", -  materialda deyilir.

Yanvarın 7-də "The Wall Street Journal" Los-Ancelesin qərb hissəsində külək səbəbindən güclənən meşə yanğınının başladığını yazıb. Bunun fonunda hakimiyyət milli parkın yerləşdiyi Sakit Okean Palisades bölgəsində əhalinin məcburi təxliyəsini elan edib. /Unikal